شعر آذری از صالح رحیمی: اورمو دنیزی

يام ياشيل وطنين ايستي اورگي خزانين يئلينه راس گليب، گئدير

گونش تك سارالان اورمو دنيزي سويو آزالديقجا سوزاليب گئدير



دورنالار بسلي ين صفالي دنيز آلاتش،آنقوتلو ، قوبالي دنيز

بؤرآلو،ياشيل باش ُ صونالي دنيز گوزومون اونونده آزاليب گئدير



نه پاكلان گورسنيرُ نه اوردك نه غاز قورولوق ايللرتك خزان اولدو ياز

آسمانا قؤوزانان او حزين آواز ناله سسلري ديراوج آليب گئدير



راخ جاندان،چيرپينيرسينه جان وئرير اينجه داماريندان اورك قان وئرير

دنيادان كؤچمه يه امتحان وئرير بؤغولور هككه دن قاراليب گئدير



كسيب لر يوللاري سوآخيب گلمير چشمه لرقورويوب سراغين آلمير

سوزوندان جانيندا قوواتي قالمير سون نفس لرينده تك قاليب گئدير



قوزقون جايناغيندا سيخيلان قومرو اووچولارشيشينه تاخيلان قومرو

اوت اوستونده يانيب ياخيلان قومرو آياقين آلتيندا ازيليب گئدير



قاييدين آي قوشلار سيزبيلين تاري ديمديگي دولدوروب سوتوكون باري

جان وئره ن حاليندا قويمايين ياري گول رنگي دؤنوبدور ساراليب گئدير



گوزل ياشايشا واي حسرت جاني اينجه داماريندا دولانمير قاني

«اورخان» چاغير دادا يانان انساني شور دنيز قورودو داي اولوب گئدير


صالح رحیمی سولدوز